قصة ام الشهيد

وزى كل ام طبيعى احلم
وكانت لسه ضوافره ناعمه
واقول بكره يكبر واشوفه يخطى وبعديها يجرى
وامتى اشوفك فى المدرسه
واعيش واشوفك بمسطرة الهندسه
وأشاور ليك واقول شوفوا ابنى
حته منى على الارض ماشيه
ياااه ياما نفسى اشوفك عريس
ويارب يطول فى عمرى واشوف ليك ولد
وكبر نور عنيه وسقيته من عمرى
انا اذبل وهو يكبر وديه سنة ربنا فى خلقه
وكل ما تعدى مرحله اقول هانت اديه بيكبر
وبكره يوصل ويرحنى
وفى يوم كئيب اسود قالى سلام ياما
نازل انا الجامعه
ووطى على ايدى باسها كأنه بيودعنى
ربنا يحفظك يا ابنى ويسلمك ليا
والقلق شغال وقلبى بينتفض
فى ايه مش عارفه
بيقولوا فى مظاهرات
ابص للتلفزيون الاقى ابنى سايل دمه وروحه بتطلع
لا هو مش هو محدش يقول هو
هاتولى ابنى ردولى روحى
خلاص كده القصه انتهت
مفيش ولد مفيش ولد
طب مين هيقولى ياما وهستنى مين انا
وقالولى طلقة غدر طايشه صابوا بيها الولد
صابوا بيها قلبى صابوا بيها روحى
مليش دعوه انا عايزه الولد
قالوا مات الولد ازاى نجيبه
اهدى يا حجه واستعوضى الولد
طالما مش فى ايدكوا تجيبوه
ليه تصيدوا روحه من البلد
راح الولد راح الولد

هبة الله وحيد

ثورة الغلابه

الغلابه هم تلك الطبقه التى لا يهمها من يحكم ولا كيف يحكم وجل اهتمامها هو أكل الخبزوطالما توفرت لهم قوت يومهم لا يهمهم ان عدلت او استبديت .
فهذه الطبقه لا تسمح لهم سوء اوضاعهم المعيشيه بالاشتغال بالسياسه ودهاليزها ،
واصبح الحكم الرشيد بالنسبه لهم هو ان يتوافر خبز يصلح للاستخدام الادمى او لا يصلح المهم ان يتواجد ما يسد جوعهم وان يتوافر انبوب الغاز بسعر يتلائم مع ظروفهم الصعبه .
وان تخلق لهم اى فرصه للعمل فهم اما باعه جائلين او سائقين او عاملين نظافه او للأسف متسولين وعاطلين وفى انتظار فرج الله .
طموح هذه الطبقه هو حد الكفاف وليس اكثر اغلبهم لا يتمنى سوى مأوى يأويه وعائلته ولا يجده من غلاء الايجارات ولهذا يلجأون الى سكن العشش اوالعيش  مع ذويهم وتحمل الضغط النفسى والمشكلات مما يساهم فى زياده الضيق والحقن والغضب لدى هذه الطبقه .
ومع تضافر تلك الاوضاع المترديه من غلاء الاسعار وعدم توافر انبوب الغاز وطول طوابير الخبز وردائته وعدم توافر مسكن لائق بالاضافه الى عدم توافر الخدمات الاساسيه من صحه وتعليم وامن ، كل ذلك ينذر ببزوغ جيل ساخط حاقد على الوطن بكل ما فيه ومن فيه .
وهذا الجيل اما ان تقوده ظروفه الى ان يصبح بلطجى ويأخذ حقه بالقوه او ان يفكر بالهجره بأى ثمن .
ومع تطور الاوضاع السياسيه وتصاعد وتيرة المظاهرات كوسيله للتعبير عن الاستياء فأن ظروف تلك الطبقه ستقودها الى التظاهر على كل الاوضاع السيئه التى يعيشون فيها ، سوف يخرجون الى الشوارع ولن يعودوا سيكون بالنسبه لهم الموت لا يختلف كثيرا عن الحياه التى يحيونها ، لن يوقفهم مستبد ولن يهابوا احد .
بالاضافه لما سبق فأن إهانة كرامتهم وسوء المعامله التى يلاقونها فى اقسام البوليس والتضييق على اعمالهم البسيطه من قبل الامن فهذا الظلم ينذرنا اننا على اعتاب ثوره جديده مختلفه عن جميع الثورات التى نشهدها لا احب ان اسميها بثورة جياع بل هى  ثورة الغلابه الذين لايطمحون الا فى حياه كريمه ولا يتطلعون الى العداله وحرية الرأى والتعبير الى اخره من الحقوق الطبيعيه لكل انسان مهما كانت طبقته .
ولكن للأسف المواطن الغلبان اصبح فى دائره مفرغه من السعى على لقمة العيش بحيث لا يسمح له بالتطرق لمثل هذه الرفاهيات او الحقوق فى مسمى اخر .

هبة الله وحيد .    

 

السلام

وفى اجنحة الطير السلام
وفى اغصان الشجر السلام
وفى بزوغ الفجر السلام
وفى اشراق الشمس السلام
وفى ظهور القمر السلام
وفى صفاء السماء السلام
وفى قطرات المطر السلام
وفى شموخ الجبل السلام
وفى حنان الام السلام
وفى براءة طفل السلام
كأن الفطره تنادى السلام
كأن الطبيعه تقول السلام
ويأبى البشر ان يفهموا
أن الاصل فى الكون السلام

هبة الله وحيد

قومى يا بهيه

قومى يا بهيه وشدى الحيل
وطهرى نفسك بمية النيل
ما الانجاس داسو ترابك
ظلموا وسفكوا دم ولادك
بس خلاص هانت يا بهيه
وولادك قالوها قويه
عمر ما فرعون يحكم تانى
يستعبدنا وينهب تانى
انسوا يا عسكر انسوا خلاص
ده ولادها فاقوا خلاص
وحلفوا بالله ليرجعوها
ومن ايدكم ليحرروها
وبفأس حامى هيقتلعوكم
ومن جذركم يخلعوكم
وبعزيمه وهمه هيعمروها
وعلى اكتفهم يرفعوها
بعد ما العسكر خربوها

هبة الله وحيد

هنموت علشان نعيش

صعبه اوى فكرة الموت اصعب من اى حاجه تانيه فى الدنيا ، تقريبا بيكون النهايه لكل حاجه ، ينفع نهايه لقصة حب دامت سنين او لعداوه دامت سنين او نهايه لصداقه دامت سنين او لزواج ناجح او فاشل دام سنين ويمكن يكون نهايه لتاريخ مرضى ومعاناه كان انسب نهايه ليها هى الموت بسبب عذاب المرض اللى مالوش نهايه الا الموت وبيكون الموت هنا راحه للمريض وممكن يكون مستنيه من سنين .
وينفع برده نهايه لكن فجأه بدون اى مقدمات زى اللى قام مشى بدون اى مقدمات ولكن قدر الله ان تكون تلك النهايه المفاجأه وبقت نهايه ، ولازم نصدقها لانها بقت امر واقع حتى لو من جوانا مش مصدقين .
الموت حقيقه لا مفر منها ومبيفرقش ما بين اى حد غنى او فقير سليم او تعبان حد نفسه يموت ومش لاقى الموت او حد حاسس ان الحياه لسه طويله قدامه وعايز يعمل حاجات كتير ، مبيفرقش بين واحد طيب وواحد ظالم .
 قاعده الموت واحد وفى لحظه محدده هتموت هتموت عشان مقدامكش غير كده مش قرار ومش اختيار ديه اقدار ربنا مقدرها ولازم تكون .
وبتكون قصة الميت انتهت فى الدنيا وبتبدأ قصة تانيه فى الاخرى ربنا اعلم بيها .
وبتبدأ قصه تالته هى قصة الاحياء بعد الفراق ،وحسب كل واحد كان الميت بالنسبه له ايه بيكون الالم .
الموت سكينه تلمه بعد ما بتموت اللى مات بتموت جزء من كل واحد الميت ده كان بالنسبه له حاجه كبيره ، ومع كل غالى بيموت حاجه جوانا بتموت عشان هما بيكونوا بالنسبه لينا الحياه .
وفى الاخر بنكون عباره عن احياء اموات عايشين كده وخلاص مستنيين الوقت اللى نروح فيه للى مات عشان نعيش تانى معاه .

بقلم هبة الله وحيد 

 
  

يعنى ايه ثائر

يعنى بأعلى صوت اهتف واقول لأ
يعنى اتكلم هموت ومخفش واقول لأ
يعنى تموت اخويا وتقتل ابويا وبرده اقول لأ 
يعنى الظلم فى كل مكان ونطق وقول للظلم لأ 
يعنى الدم فى كل مكان 
واشوف الدم مأهبش واقول اموت انا كمان وافضل اقول لأ
يعنى انا حر صعب اعود عبد تانى لأ

بقلم: هبة الله وحيد

أعجب !!!!!!!!

وعجبى من القدره غير المتناهيه على الكذب  ، الكذب لاخر الحدود ولأبعد مدى .
القدره على قلب الحقائق وعلى تحويل الحق الى باطل .
اعجب من انعدام الضمير ومن الراحه التى تعيشون بها وانتم تكملون درب الظلم والافتراء والبلطجه والكذب على خلق الله .
اعجب كيف ان اجتماع السلطه مع القوه كيف ينتج انسان بلا انسانيه ويصبح كشيطان يمشى على قدمين فعله الفساد فى الارض .
اعجب كيف ان رؤية الدماء تجعلكم تنامون قررين الاعين وانتم تعلموا ان هناك قلب ممزق تركتموه وعين لا يجف دمعها .

بقلم : هبة الله وحيد

ارتباك اللقاء

ان اللقاك هذا يعنى ان الكون قد تجمد 
ان الطير فى السماء تجمدت وهى تحلق
ان موج البحر اضحى فى ثبات تجمد 
ان لون الزهر اضحى كبريق تلآلأ
ان صوت الرعد اضحى كزلزال يهدد
ان ضوء البرق اضحى كبركان تفجر
ان ماء البحر اضحى كسيل يهدر
ان كل البشر فى ذهول و ترقب 
ان اللقاك يعنى ان اللقى نفسى 
بل انت للنفس اقرب  
 بقلم : هبة الله وحيد

 

من وحى صديقه

ان يكون لى صديقه إحساس رائع ان تكون بهذا النقاء والوفاء والاخلاص فهذا هو الاروع ان يملئها الاحساس والحب والبراءه فهذا هو الاروع على الاطلاق .
شعور جميل هو الحنين لصديق وافتقاده والسعى لرؤيته والاجمل ان يبادلك الصديق هذا الاحساس .
جميل ان تجمعك بأحدهم الكثير من الذكريات التى تمتد لأكثر من مرحله فى حياتك ، ان يشاركك احدهم براءة الطفوله والعاب الطفوله التى تبقى ذكراها دائما ، وان تملك مجموعه رائعه من الاصدقاء تقضون معاً فترة المراهقه بنشاطها وحيويتها واحاسيسها المبالغ فيها وتستمر الصداقه فتكبرون معا وتنضجون فكريا وحسيا وجسديا معاًُ وتناقشون معاً مشاكل الكبار ككبار وليس العاب مثل العاب الطفوله التى كنا نتلذذ بتمثيل ادوار الكبار،ثم نصبح نحن الكبار وتأخذنا حياة الكبار ونعيشها بكل تفاصيلها .
و يدخل كل منا فى دوامة الحياه التى تسرق منا كثيرا من برائتنا واوقاتنا وتضيف لنا الكثير من الالتزامات والمسئوليات ، ولكن يجعلنا الحنين والإفتقاد والإشتياق نسرق اوقاتا من الزمن كى نجتمع كالسابق و ينسى او يتناسى كل منا التزماته ومسئولياته ولو لفتره قصيره فقط لنجتمع لنتذكر الماضى وليدلى كل منا بدلوه فيما يطرأ على حياته من احداث ومستجداد وليسمع اراء باقى الاصدقاء فهم الوحيدين اللذين نتكلم امامهم بدون اى حرج ومن ينصحونا بدون اى تزييف ومن يحبونا بدون مقابل ومن يشعروا بنا بإتقان ومن يعرفوا تفاصيلنا بحرفيه بالغه من يشبهونا كثيرا من يتوقعوا ردود افعالنا مسبقا ، من يفرح بصدق لفرحنا من يحزن كثيرا ان اصابنا مكروه من يراعوا ظروفنا من يسامح هفواتنا  وزلاتنا ، من بأقل عتاب يحن ويشعر ويعود .
هؤلاء هم اصدقاء عمرى الرائعون من اتمنى ان تدوم صحبتى بهم حتى اخر يوم من حياتى وان يجمعنى الله بهم فى جناته . 

بقلم : هبة الله وحيد .

ان اكتب

كم هو رائع ان اشعر فأكتب ، افرح فأكتب  ، ان ابرع فى وصف ما اشعر به وترجمته لحروف وكلمات تكتب وتفهم .
احزن فأكتب وابوح لقلمى بكل ما يحزننى واستريح فقط بمجرد ان انفجرت بكل ما بداخلى لتلك الورقه ،
احيانا يختلط الحبر بالدمع فأشعر ان القلم والورقه يشعران بى ويواسيانى ،
وبفعل اصبح افضل بكثير بعد ان افضفض لهما .
اتفاجأ عندما اقول لاحدهم فضفض لورقه ويسخر منى ، مسكين لا يدرك كيف يفضفض لورقه وقلم ولا يعرف سرك سواهم ،
ان تكتب هى نعمه تستحق الشكر ، ولذه لا يعرفها الا من جربها ،
هنيئا لكل من يستطيع ان يبوح لورقه ويأنس لقلم .

بقلم : هبة الله وحيد . 

احبك الى القدر الذى يجعلنى اكرهك

ستعجب مما اقول لكنى احبك الى القدر الذى يجعلنى اكرهك .
اكره لهفتى عليك وانا ارى البرود فى عينيك .
اكره اهتمامى بك بقدر كرهى للامبالاتك بى وبوجودى .
اكره اشياقى لك فى الوقت الذى اراك فيه لا تفتقدنى ولا تلحظ غيابى .
صرت اكره الهدايا لأنها لا تعجبك , اكره المفاجآت لأنها لا تفاجئك ،
واكره اعيادنا ومناسباتنا لانك لا تتذكرها .
اكره تلك الحاله التى تتقمسها وتعيش بها وتعيش فيك تلك الرتابه والامبالاه والاشعور .
لكل هذا بقدر حبى لك صرت اكرهك ، اكره نفسى التى لا يمكنها رغم كل هذا ان تتخيل ان تعيش بدونك .

بقلم: هبة الله وحيد . 

 

المدينه القديمه

الى مدينتى القديمه
ذات الانوار الخافته
ذات الرياح الهادئه
كان كل شئ بها على ما يرام
كل شئ مستقر وجميل
لا ادرى ان كانت هى كذلك
ام ان طفولتى حينها لم تستوعب غير ذلك
كانت النجوم تظهر فى السماء
تتلآلآ وكأنها تغمز لنا
فنقفز ونظن اننا سنلمسها
وتلك الاشجار الكبيره
كانت بمثابة اطول شئ فى العالم
وتلك الاشياء الى لا تنسى
كبنات الحى الجميلات
ونظرات شباب الحى لهن
وتلك الاحاسيس التى تمتزج بين حب المراهقه وشقاوة الاطفال
هذا الوقت الذى نودع فيه مرحله الطفوله بشقاوتها
وتبدأ مرحلة المراهقه ببريقها الاخاذ
كنا ننظر اليهن ونطمح ان نكبر مثلهن
وللاسف رحلنا عن تلك المدينه القديمه
ولم يتبقى منها الا اجمل ذكرى 

بقلم : هبة الله وحيد